Laurdag 20. november kl. 12.30
Sogndal - Start
Det er på tide at alle som bidrog til opprettinga av Svein Bakkes Minnefond kan møtast igjen. Det gjer me laurdag 20. november i omgjevnader der me trivst best - på Fosshaugane Campus. Denne dagen står det også ein viktig seriekamp mot Start på programmet
Me møtest klokka 12.30 ved port 2 på Campus. Deretter blir det lett servering, me skal minnast han Svein, prata og mingla. Men me har også følgjande på programmet:
Styret og mottakarane av fondsmidlar dei to siste åra fortel kva pengane er brukt til.
Eirik kjem innom for å fortelja om den siste seriekampen heime han leiar etter sju år i sjefsstolen på Campus. Han svarer også på spørsmål.
Jon N. lagar ein gjennomgang av høgdepunkt i karriera til hovudpersonen - Svein.
Me utfordrar deg også med ein fotball-quizz.
Me gjer i år ein vri ved at Seniorklubben sine medlemmer blir inviterte til å delta på Minnefondet sitt arrangement. Til gjengjeld kan dei av Minnefondet sine støttespelarar som ønskjer det, delta på den tradisjonelle Fleskasausen etter kampen mot Start. Det skjer i klubblokala til Sogndal Fotball.
Arrangementet på Campus denne dagen er sponsa av vener av Svein og sponsorar av Sogndal Fotball. Me brukar sjølvsagt ikkje av midlane i Minnefondet.
Bur du utanbygds ønskjer du kanskje ei kjekk helg i Sogndal. Difor har me forhandla fram følgjande prisar på overnatting:
Quality Sogndal Hotell:
-Enkeltrom 850,- pr døgn
-Dobbeltrom 1030.- pr døgn
Best Western Lægreid Hotell:
-Enkeltrom 900.- pr døgn.
-Dobbeltrom 1250.- pr døgn
Vis denne invitasjonen i resepsjonen når du sjekkar inn.
Påmelding
Av omsyn til bestilling av mat, både til Minnefondet før kamp og Fleskasausen etterpå, må me ha påmelding.
Påmeldinga må me ha innan torsdag 18. november til: ingvar.stadheim@gmail.com
I påmeldinga ønskjer me også å vita om du vil delta på Fleskasausen i Seniorklubben.
Dersom du har spørsmål om arrangementet kan du kontakta Ingvar Stadheim på tlf. 913 39 798 eller Kåre Jan Mjelleli på tlf. 909 61 706. Hjelp oss også med å ha oppdaterte adresselister på Minnefondsmedlemmane. Meld tilbake og meld på medlemmar som denne invitasjonen ikkje når.